ARYNews.tv | Urdu – Har Lamha Bakhabar

کامیابی کیساتھ ریٹائر ہونا چند اسپورٹس مین کو نصیب ہوتا ہے،عمران خان

Written by

ویب ڈیسک

in

اسلام آباد : پاکستان تحریک انصاف کے سربراہ اور سابق کپتان عمران خان نے ویسٹ انڈیز کیخلاف تاریخی فتح پر پاکستان ٹیم ، مصباح اور یونس کو مبارکباد دیتے ہوئے کہا کہ کامیابی کیساتھ ریٹائر ہونا چند اسپورٹس مین کو نصیب ہوتا ہے۔

تفصیلات کے مطابق آخری ٹیسٹ میں پاکستان کرکٹ ٹیم کی تاریخی فتح پر پی ٹی آئی چیئرمین اور سابق کپتان عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان ٹیم کو ویسٹ انڈیز کیخلاف ٹیسٹ سیریز میں تاریخی فتح مبارک ہو۔

عمران خان نے آخری ٹیسٹ کھیلنے والے مصباح اور یونس کو پروقار اندازمیں ریٹائرمنٹ پرمبارکباد پیش کی اور کہا کہ کامیابی کیساتھ ریٹائرہونا چند اسپورٹس مین کو نصیب ہوتا ہے۔

یاد رہے کہ پینسٹھ برس میں پہلی بار ویسٹ انڈیز کی سرزمین پر سیریز جیت کر پاکستان نے تاریخ رقم کردی، آخری دن پاکستان نے سنسنی خیز مقابلے کے بعد ویسٹ انڈیز کو 101 رنز سے شکست دے دی۔

مزید پڑھیں : ڈومینیکا ٹیسٹ، 65 سال بعد ویسٹ انڈیز کی سرزمین پر سیریز جیت کر پاکستان نے تاریخ رقم کر دی

ڈومینیکا میں مصباح اور یونس نے کیریئر کے آخری ٹیسٹ میچ کو فیصلہ کن اور تاریخی سیریز جیت کرسیریز کو یادگار بنا دیا، مصباح الحق پاکستان کو گیارہ سیریز جتوا کر ایشیا کے کامیاب ترین کپتان بن گئے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

More posts