لاہور : تحریک اںصاف کے چیئرمین عمران خان کا کہنا ہے کہ فواد کی پیشی سے ظاہر ہوتا ہے امپورٹڈ حکومت اور ریاست کس حد تک پہنچ چکی ہے۔
تفصیلات کے مطابق تحریک اںصاف کے چیئرمین عمران خان کا فواد چوہدری کو ہتھکڑیاں لگا کر اور سر پر کپڑا ڈال کر عدالت میں پیش کرنے پر شدید ردعمل دیا۔
عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ فواد کو ہتھکڑیاں لگا کر اور سر پر کپڑا ڈال کر عدالت میں پیش کیاگیا، فواد چوہدری کوعدالت میں ایک دہشت گردکی طرح لے جایا گیا۔
عمران خان کا کہنا تھا کہ فواد کی پیشی سے ظاہر ہوتا ہے امپورٹڈ حکومت ، ریاست کس حد تک پہنچ چکی، فواد چوہدری ، اعظم سواتی اورشہباز گِل کے ساتھ ایسا سلوک ہوا، لوگوں کو کوئی شک باقی نہیں رہا کہ ہم بناناری پبلک میں رہ رہے ہیں۔
Taking Fawad to court handcuffed & head/face covered like a terrorist shows the low & vindictive levels Imported govt & State have reached. The treatment of Fawad Ch & Azam Swati & Gill before him leaves no doubt in people’s mind that now we are a banana republic.
— Imran Khan (@ImranKhanPTI) January 28, 2023
سابق وزیراعظم نے ایک اور ٹوئٹ میں لکھا کہ ‘ملک میں اب جنگل کا قانون چلتا ہے،جس کی لاٹھی اس کی بھینس، موجودہ فرعونوں نے آئین اور قانون کو روند کر رکھ دیا ہے۔’
The law of the jungle now prevails where might is right & the Constitution & law of the land have been totally subjugated by the Pharaohs of today.
— Imran Khan (@ImranKhanPTI) January 28, 2023