پاکستان تحریک انصاف کے چیئرمین اور سابق وزیراعظم عمران خان نے کہا ہے کہ چوروں کو قومی اثاثوں کو فروخت کرنے کی اجازت نہیں ہونی چاہیے۔
پاکستان تحریک انصاف کے چیئرمین اور سابق وزیراعظم عمران خان نے سماجی رابطوں کی ویب سائٹ ٹوئٹر پر ٹوئٹ کرتے ہوئے لکھا ہے کہ امپورٹڈ حکومت کی قیادت کرائم منسٹر کر رہے ہیں۔ شریف خاندان کے ساتھ زرداری کی کرپشن پر بھی کتابیں لکھی جا چکی ہیں۔ یہ لوگ 30 سالوں سے پاکستان کو لوٹ رہے ہیں اور موجودہ معاشی بدحالی کے ذمے دار ہیں۔
عمران خان نے اپنے ٹوئٹ میں سوال اٹھایا ہے کہ قومی اثاثوں کی فروخت کے معاملے پر امپورٹڈ حکومت پر کیسے اعتماد کیا جا سکتا ہے؟ قومی اثاثوں کی فروخت پر طریقہ کار اور قانونی جانچ پڑتال کیسے نظر انداز ہوسکتی ہے؟
سابق وزیراعظم نے لکھا ہے کہ قوم ان پر اپنے قومی اثاثے سپرد کرنے پر کبھی اعتماد نہیں کرے گی۔ چوروں کو قومی اثاثوں کو فروخت کرنے کی اجازت نہیں ہونی چاہیے۔
These ppl have been plundering Pak for last 30 yrs & are now responsible for the present economic meltdown. These thieves should never be allowed to sell our national assets in the devious manner they are attempting. The nation will never trust them with our national assets.
— Imran Khan (@ImranKhanPTI) July 23, 2022