ARYNews.tv | Urdu – Har Lamha Bakhabar

آج دوسری بار ن لیگ نے عدلیہ پر حملہ کیا،عمران خان کا ٹوئٹ

Written by

ویب ڈیسک

in

اسلام آباد : پاکستان تحریک انصاف کے سربراہ عمران‌ خان کا کہنا ہے کہ آج دوسری بارن لیگ نے عدلیہ پرحملہ کیا،شریف خاندان کی30 بلین روپے کی لوٹی دولت بیرون ملک میں ہے۔

تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر احتساب عدالت کے باہر مسلم لیگ ن کے کارکنوں اور کلاء کی ہنگامہ آرائی پر ردعمل کا اظہار کرتے ہوئے کہا کہ آج دوسری بارن لیگ نے عدلیہ پرحملہ کیا، حملہ لوٹی گئی دولت بچانے کے لئے تھا۔

عمران خان نے اپنے ٹوئٹ میں مزید کہا کہ شریف خاندان کی30بلین روپے کی لوٹی دولت بیرون ملک میں ہے، درباری احسن اقبال کا رینجرزکی موجودگی پر ڈرامہ پتہ چل گیا۔

سربراہ پی ٹی آئی  نے مزید کہا کہ ہنگامہ آرائی نیب جج کوغیرمحفوظ کرنے کےلئےتھی، ن لیگ تمام سرکاری اداروں کوتباہ کرنےکےدرپےہے، عوام قومی اداروں کو بچانے کے لئے کھڑے ہونے کو تیار ہوجائیں۔

انکا اپنے ٹوئٹ میں کہنا تھا کہ قومی اداروں کی تباہی کامطلب ملک میں افراتفری ہے، یہ شریف خاندان کا ایجنڈا ہے جس کا قوم مقابلہ کرے گی۔

مزید پڑھیں : احتساب عدالت میں بدمزگی‘ سماعت بغیرکارروائی کے ملتوی

یاد رہے آج صبح احتساب عدالت میں مریم نواز اورکیپٹن صفدر کی پیشی کے موقع پر پولیس نے ن لیگ کے وکلا کو عدالت میں جانے سے روکا تو نون لیگ کے کارکنوں او وکلا آپے سے باہر ہوگئے اور احتساب عدالت میں اور عدالت کے باہر ہنگامہ آرائی کی تو پولیس نے وکلاء پر لاٹھی چارج کیا۔

ہنگامہ آرائی کی آڑمیں نیب پراسیکیوشن ٹیم پرحملےکی کوشش کی گئی، پراسیکیوشن ٹیم کے سربراہ کو دھکے دیئے گئے، ہنگامہ آرائی اور ہلڑبازی کے سماعت بغیرکارروائی ملتوی کردی گئی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

More posts