اسلام آباد : تحریک انصاف کے چیئرمین عمران خان نے اسلام آباد کے عوام سے شام چھ بجے ایف نائن پارک میں جمع ہونے کی اپیل کردی، سات بجے بذریعہ ویڈیو لنک خطاب کریں گے۔
تفصیلات کے مطابق چیئرمین تحریک انصاف عمران خان نے سماجی رابطے کی ویب سائٹ ٹوئٹر پر عوام سے الیکشن کمیشن کیخلاف پرامن احتجاج کی اپیل کردی۔
عمران خان نے کہا کہ عوام آج شام 6بجے الیکشن کمیشن کیخلاف پرامن احتجاج کیلئے ایف نائن پارک میں جمع ہوں ، شام ساڑھے7بجے اجتماع سے خطاب کروں گا۔
Today I am calling all our people to come out in peaceful public protest against CEC & ECP in F9 Park at 6 pm. I will be addressing the gathering between 7:00 – 7:30 pm.
— Imran Khan (@ImranKhanPTI) August 4, 2022
چئیرمین پی ٹی آئی کا کہنا تھا کہ پوری ریاستی مشینری اور الیکشن کمیشن کی حمایت کے باوجود پنجاب کے ضمنی انتخابات میں نون لیگ کی شکست کے بعد چیف الیکشن کمشنر اور الیکشن کمیشن آف پاکستان نے امپورٹڈ حکومت کے ساتھ مل کر تحریک انصاف کیخلاف ٹیکنیکل ناک آؤٹ کی سازش کی اور اب یہ عام انتخابات میں ایسی ہی شکست سے خوفزدہ ہیں۔
CEC & ECP in cahoots with Imported govt conspired to try a technical knockout against PTI after PMLN got routed in Punjab bye elections despite support of entire state machinery & ECP shenanigans. Now they are cowering in fear abt same happening to entire PDM in General Elections
— Imran Khan (@ImranKhanPTI) August 4, 2022