چیئرمین تحریک انصاف عمران خان نے چیف جسٹس عمر عطا بندیال سے اظہاریکجہتی کے لیے خصوصی پیغام جاری کر دیا۔
اپنے پیغام میں عمران خان نے کہا کہ قوم بروز ہفتہ چیف جسٹس سے اظہاریکجہتی کیلئے باہر نکلے ہمارا ملک ایک فیصلہ کن تاریخ کے موڑ پر کھڑا ہے۔
انہوں نے کہا کہ پاکستان میں تاریخی مہنگائی اور بےروزگاری عروج پر ہے ہمارے ملک پر مافیا کا قبضہ ہے اس حکومت کو الیکشن میں شکست کا خوف ہے حکومت آئین اور سپریم کورٹ تباہ کرنے پر تلی ہوئی ہے یہ مافیا چیف جسٹس اور ججز کے خلاف پروپیگنڈا کررہی ہے۔
چئیرمین تحریک انصاف کا عوام کے نام اہم ویڈیو پیغام:
ہفتے کے دن مغرب سے ایک گھنٹہ پہلے اپنے اپنے گاؤں اور محلوں میں جمع ہو کر چیف جسٹس آف پاکستان اور سپریم کورٹ سے اظہار یکجہتی کا اظہار کریں pic.twitter.com/atVVkXBpld— PTI (@PTIofficial) May 3, 2023
عمران خان کا کہنا تھا کہ قوم سے اپیل ہے ہفتے کی شام اظہاریکجہتی کےلیے ہر شخص باہر نکلے، اپنےگھروں، گلی، محلوں سےچیف جسٹس کے ساتھ اظہار یکجہتی کیلئےنکلیں۔