اسلام آباد : کے الیکٹرک صارفین کے لئے بجلی مزید مہنگی ہونے کا امکان ہے، بجلی دو سہ ماہی ایڈجسٹمنٹ کی مد میں مہنگی ہوگی۔
تفصیلات کے مطابق وفاقی حکومت نے کراچی کے لئے بجلی مہنگی کرنے کی تیاریاں مکمل کرلی اور صارفین کے لئے بجلی 6 روپے فی یونٹ مہنگی کرنے کی درخواست دے دی۔
نیپرا وفاقی حکومت کی درخواست پر 3 اپریل کو سماعت کرے گا ، بجلی دو سہ ماہی ایڈجسٹمنٹ کی مد میں مہنگی ہوگی۔
ایک سہ ماہی ایڈجسٹمنٹ کے تحت بجلی 4.45 روپے فی یونٹ تک اور گزشتہ سال کی دوسری سہ ماہی کے تحت بجلی 1 روپے 55 پیسے فی یونٹ مہنگی ہوگی۔
اضافے کا فیصلہ یکساں ٹیرف برقراررکھنے کے لئے کیا گیا ہے اور اضافی وصولیاں اپریل جون 2023 کے دوران کی جائیں گی۔
خیال رہے پاکستان بھر میں یکم مارچ 2023 سے 30 جون 2023 تک بجلی کے صارفین پر اضافی سرچارج (PHL) کے طور پر PKR 3.82/- فی یونٹ لگایا گیا ہے۔ 300 یونٹس تک استعمال کرنے والے زرعی اور غیر TOU رہائشی صارفین سے فی یونٹ PKR 0.43 کی رقم وصول کی جائے گی۔ جبکہ دیگر صارفین کے زمرے فی یونٹ PKR 3.82 چارج کیے جائیں گے۔