بھارتی ریاست منی پور میں ایک اور وزیر کا گھر جلا دیا گیا

بھارتی ریاست منی پور میں خانہ جنگی شدت اختیار کرگئی، مودی کی شدت پسند سیاست نے منی پور کی پرامن ریاست کو بھی لپیٹ میں لے لیا۔

تفصیلات کے مطابق بھارتی ریاست منی پور میں خانہ جنگی شدت اختیار کرگئی، بی جے پی سے تعلق رکھنے والے یونین وزیر راج کمار رانجن سنگھ کےگھر کو آگ لگا دی گئی جبکہ گزشتہ 24 گھنٹوں میں پر تشدد واقعات میں 2 خواتین سمیت 13 افراد جان سے گئے۔

رپورٹ کے مطابق منی پور میں اب تک خانہ جنگی کے باعث سیکڑوں افراد ہلاک جبکہ ایک لاکھ سے زائد افراد در بدر ہوچکے ہیں، منی پور میں خانہ جنگی کے دوران سیکڑوں عمارات اور عبادت گاہیں نذر آتش کی جا چکی ہیں۔

منی پور خانہ جنگی، ایک دن میں 9 ہلاک، خاتون بی جے پی وزیر کا گھر نذر آتش

دوسری جانب پولیس، بی ایس ایف اور فوج کے 50 ہزار اہلکار تعینات، ہیں لیکن مودی سرکار خانہ جنگی پر قابو پانے میں اب تک  ناکام ہیں۔

اس حوالے سے عوام کا کہنا ہے کہ مودی سرکار غیر مقامی لوگوں کو منی پور کی شہریت دلوا کر آبادی کا تناسب بدلنا چاہتی ہے، مودی سرکار نسلی فسادات کو ہوا دے کر منی پور کی نیم خود مختار حیثیت ختم کرنا چاہتی ہے۔

واضح رہے کہ منی پور میں فسادات کے بعد 3 مئی سے انٹرنیٹ بندش اور کرفیو نافذ ہے۔