حیدرآباد(4 جولائی 2025): بھارت میں بیوی نے ناجائز تعلقات میں بندھے شوہر کو رنگے ہاتھوں پکڑ کر پٹائی کرنے کے بعد پولیس کے حوالے کردیا۔
بھاری میڈیا رپورٹ کے مطابق یہ واقعہ بھارت کے شہر حیدرآباد کے علاقے نارسنگی پولیس اسٹیشن کے حدود میں پیش آیا ہے جس کے بعد سے علاقے میں سنسنی پھیل گئی ہے۔
بھارتی میڈیا کے مطابق سریشا نے اپنے شوہر وینو کمار کو دوسری خاتون کے ساتھ رنگے ہاتھوں پکڑ لیا، پولیس، اہل خانہ اور رشتہ داروں کی موجودگی میں سریشا نے دوسری خاتون، اپنے شوہر کی پٹائی اور پولیس کے حوالے کر دیا۔
بھارتی پولیس کا کہنا ہے کہ شوہر اپنی معشوقہ کے ساتھ اس کے گھر پر موجود تھا کہ اس کی بیوی وہاں پہنچ گئی، اطلاعات کے مطابق وینو کمار کافی عرصے سے اس خاتون کے ساتھ رابطے میں تھا۔
بھارتی میڈیا کا کہنا ہے کہ وینو کمار اور سریشا کی شادی 13 سال قبل ہوئی تھی ان کا ایک 7 سالہ بیٹا ہے، بیوی نے بتایا کہ دو سال پہلے وینو کمار کا رویہ بدل گیا تھا، وہ رات کو نشے کی حالت میں گھر آتا اور اکثر لڑتا، اور مجھے مارتا ڈانٹتا تھا جس کے بعد بیوی کو وینو کمار پر شک ہوا۔
بھاری میڈیا کا کہنا ہے کہ اسی دوران سریشا کو معلوم ہوا کہ وینو کمار کے ونیکا نامی خاتون کے ساتھ ناجائز تعلقات ہیں، تاہم انہیں گھر میں رنگے ہاتھوں پکڑنے کے بعد ناراض سریشا نے وینو کمار اور مونیکا کو تشدد کا نشانہ بنایا اور انہیں پولیس کے حوالے کر دیا۔
تاہم خاتون نے پولیس سے اپیل کی کہ اسے انصاف دلایا جائے جبکہ پولیس نے واقعے کی تصدیق کرتے ہوئے تحقیقات کا آغاز کر دیا ہے۔