کولکتہ پولیس نے ورلڈ کپ کے انڈیا اور جنوبی افریقہ میچ کے ٹکٹ بلیک میں مہنگے داموں فروخت کرنے والے بھارتی شہری کو گرفتار کرلیا ہے۔
بھارت میں جاری آئی سی سی ون ڈے ورلڈ کپ میں میزبان انڈیا 5 نومبر کو کولکتہ کے ایڈن گارڈن اسٹیڈیم میں جنوبی افریقہ سے ٹکرائے گا۔ دونوں ٹیمیں میگا ایونٹ میں بہترین کھیل پیش کر رہی ہیں اس لیے سنسنی خیز میچ ہونے کا امکان ہے اور بھارتی شائقین کو اس کا شدت سے انتظار ہے۔
تاہم میچ کے انعقاد سے پانچ روز قبل کولکتہ پولیس نے ایک شخص کو مذکورہ میچ کا 2500 روپے والا ٹکٹ 11 ہزار روپے میں فروخت کرنے کے الزام میں گرفتار کر لیا ہے۔
غیر ملکی میڈیا کے مطابق کولکتہ پولیس نے انکت اگروال نامی شخص کو گرفتار کیا ہے جو ورلڈ کپ میں میزبان بھارت اور جنوبی افریقہ کے درمیان ہونے والے میچ کے 2500 روپے مالیت کے ٹکٹ بلیک میں 11 ہزار روپے میں فروخت کر رہا تھا۔
پولیس نے ملزم کے قبضے سے مذکورہ میچ کی 20 ٹکٹ بھی ضبط کرنے کا دعویٰ کیا ہے۔
Kolkata, West Bengal | A man named Ankit Agarwal was arrested for selling the ICC Cricket World Cup India Vs South Africa match tickets worth Rs. 2500 at Rs. 11,000 each. Kolkata Police seized a total of 20 tickets from his possession for the India Vs South Africa match which is… pic.twitter.com/9f4uwRYd9m
— ANI (@ANI) October 31, 2023
واضح رہے کہ اس سے قبل پولیس نے 29 اکتوبر کو کھیلے گئے بھارت اور انگلینڈ کے ورلڈ کپ میچ کے جعلی ٹکٹ فروخت کرنے کے الزام میں ایک نا معلوم شخص کو گرفتار کیا تھا۔