بھارتی لڑکی انجو اور دیربالا کے نصر اللہ کا نکاح ہوگیا، بھارتی لڑکی انجو نے اسلام قبول کرکے نیا نام فاطمہ رکھا ہے۔
اے آر وائی نیوز کے مطابق پڑوسی ملک بھارت سے اپنی محبت کو پانے کے لیے پاکستان آنے والی انجو اور دیربالا کے نصر اللہ کا نکاح ہوگیا، بھارتی لڑکی انجو نے اسلام قبول کرلیا ہے اور اس کا اسلامی نام فاطمہ رکھا گیا ہے۔
انجو اور نصر اللہ کا نکاح ڈسٹرکٹ کورٹ دیر میں ہوا، فیس بک پر دوستی کے بعد بھارتی لڑکی انجو نوجوان نصر اللہ سے ملنے دیر بالا آئی تھی۔
بھارتی لڑکی انجو اور دیر بالا کے نصر اللہ کا نکاح ہوگیا#ARYNews pic.twitter.com/7jON6FisXo
— ARY NEWS (@ARYNEWSOFFICIAL) July 25, 2023
واضح رہے کہ دیر بالا کے رہائشی 29 سالہ نصر اللہ میڈیکل کے شعبے سے وابستہ ہیں ان کی چند ماہ قبل بھارتی ریاست اترپردیش سے تعلق رکھنے والی لڑکی انجو سے فیس بک پر دوستی ہوئی تھی۔
ذرائع نے بتایا کہ انجو شادی شدہ ہے جب کہ پولیس کا کہنا ہے کہ انجو ایک ماہ کے وزٹ ویزے پر بھارت سے دیر بالا پہنچی ہے اور اس کی خواہش ہے کہ وہ کچھ روز پاکستان میں گزارے۔
اس سے قبل مقامی پولیس کا کہنا تھا کہ انجو بطور مہمان پاکستان پہنچی ہے اور نصر اللہ کے گھر پر رہائش پذیر ہے۔