بھارتی رپورٹر ارچنا تیواری نے پہلگام واقعے سے جڑے حیران کن حقائق بے نقاب کر دیے

نئی دہلی : بھارتی رپورٹر ارچنا تیواری نے پہلگام فالس فلیگ آپریشن کے حیران کن زمینی حقائق بے نقاب کر دیے۔

اے پی پی کے مطابق بھارتی رپورٹرارچنا تیواری کی ویڈیو نے پہلگام واقعے سے جڑے حیران کن حقائق بے نقاب کر دیے، بھارتی رپورٹر نے حقائق جاننےکیلئے کشمیری ڈرائیور کی گفتگو ریکارڈ کی۔

جس میں کشمیری ڈرائیور کا کہنا تھا کہ بھارت میں سب جھوٹ پھیلایا جارہا ہے اور بھارتی چینلز دن رات پروپیگنڈاپھیلانےمیں مصروف ہیں۔

بھارتی رپورٹر نے سوال کیا 6 دن کے شادی شدہ جوڑے پر حملہ ،لڑکے کی موت کیا جھوٹ تھی؟ تو ڈرائیور نے بتایا کہ ہاں یہ سب جھوٹ ہےکیونکہ لڑکازندہ ہےاورسب ڈرامہ چل رہا ہے۔

ارچنا نے سوال کیا کیا بیوہ کابیان اور متاثرہ شخص کے بچے کی ویڈیوجھوٹ ہے؟ تو کشمیری ڈرائیور کا کہنا تھا کہ ہاں یہ سب ایک سیاسی کھیل ہے، 10 کلومیٹر دور سے فائر کرنیوالے دہشت گرد متاثرین کامذہب کیسےپوچھ سکتےہیں؟۔

کشمیری ڈرائیور نے گفتگو میں کہا کہ مودی سرکار نے معاشی قتل عام ترک نہ کیاتوکشمیری بھی ہتھیاراٹھانے پر مجبور ہوں گے، یہ باتیں سب مودی کا ڈرامہ ہیں۔

ڈرائیور کا مزید کہنا تھا کہ پورے بھارت نے کشمیر کو داؤپر لگا دیا، پاکستان تو جنگ کیلئےتیارہے، جنگ ہوئی تومودی، امت شاہ ،یوگی ادتیہ ناتھ بھاگنے والوں میں آگے ہوں گے اور بھارتیوں کو پتہ چل جائے گا انھوں نے مودی سرکار پر بھروسہ کر کے غلطی کی۔