بھارت کے متعصب صحافی کو پاکستانی بیٹر محمد رضوان کیخلاف آسٹریلوی کپتان سے بیان دلوانے کی کوشش میں ناکامی پر منہ کی کھانی پڑ گئی۔
ورلڈ کپ میں پاکستان آسٹریلیا میچ سے قبل کینگروز کپتان پیٹ کمنز کی پریس کانفرنس میں بھارت کے ایک متعصب صحافی نے سری لنکا کے میچ میں فتح گر اننگ کھیل کر مین آف دی میچ ایوارڈ مظلوم فلسطینیوں کے نام کرنے کے پاکستانی بیٹر محمد رضوان کے اقدام کو اپنے رنگ میں رنگ کر حماس سے منسوب کر دیا اور پیٹ کمنز سے اپنا من پسند متنازع بیان دلوانے کی کوشش کی۔
تاہم بھارتی صحافی کو اس وقت منہ کی کھانی پڑی جب پیٹ کمنز نے اس کے لفظوں کے جال میں پھنسنے سے بچتے ہوئ کہا کہ میں کھلاڑیوں کا اچھا اور مضبوط کردار دیکھنا پسند کرتا ہوں۔
Cummins was asked for his view on Pakistan players openly supporting Palestine
Cummins pic.twitter.com/QhTdSiHqlI
— Thakur (@hassam_sajjad) October 19, 2023
واضح رہے کہ محمد رضوان نے سوشل میڈیا پوسٹ میں سری لنکا کیخلاف اپنی شاندار پرفارمنس پر ملنے والا مین آف دی میچ ایوارڈ غزہ کے بہن بھائیوں کے نام کیا تھا جس پر انکی آئی سی سی سے شکایت کی گئی تھی تاہم آئی سی سی نے اسے ان کا انفرادی معاملہ قرار دیا تھا۔
This was for our brothers and sisters in Gaza.
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
رضوان کی اس پوسٹ کی تپش غاصب اسرائیل تک محسوس کی گئی تھی جس نے پاک بھارت میچ میں بھارت کی جیت پر خوشی کا اظہار کرتے ہوئے کہا تھا کہ ہم خوش ہیں کہ بھارت نے ورلڈ کپ کے میچ میں پاکستان کے خلاف کامیابی حاصل کی۔ پاکستان اپنی فتح حماس کے دہشت گردوں کے نام کرنے کے قابل نہیں رہا۔
We were really moved by Indian friends showing their solidarity with Israel
We are happy that Indiaemerged victorious in the #INDvsPAK match at #CWC23 and that Pakistan was unable to attribute its victory to the terrorists of #Hamas. https://t.co/tvgYATe0Af
— Israel ישראל (@Israel) October 15, 2023
دوسری جانب پاکستان ٹیم کے دیگر صحافیوں نے بھی اسرائیل کو ترکی بہ ترکی جواب دیتے ہوئے فلسطین سے اظہار یکجہتی کے لیے سوشل میڈیا پر فلسطین کے جھنڈے لگا کر غزہ کے مظلوم مسلمانوں سے غیر مشروط حمایت کا اظہار کیا تھا۔