افراتفری کی اس زندگی میں فی زمانہ تقریباً ہر شخص سکون کی تلاش میں ہے بھارتی خاتون نے تو اسے ڈھونڈنے کے لیے تھانے جانے کا قصد کیا جس پر پولیس نے دلچسپ ردعمل دیا۔
بھاگی دوڑتی زندگی، لاحاصل خواہشات کی تشنگی نے انسانی زندگی کو ایسے دوراہے پر لاکھڑا کیا ہے جہاں تقریباً ہر تیسرا شخص سکون کی تلاش میں ہے۔ اسی حوالے سے ایک منفرد اور دلچسپ پوسٹ سوشل میڈیا پر وائرل ہو رہی ہے جس نے سب کی توجہ اپنی جانب مرکوز کرا لی ہے۔
سماجی رابطوں کی ویب سائٹ ایکس (ٹوئٹر) پر ایک ویدھیکا آریا نامی بھارتی خاتون نے ایک دلچسپ پوسٹ کی جس میں انہوں نے ممبئی پولیس کو ٹیگ کرتے ہوئے اس سے سکون ڈھونڈنے کی انوکھی درخواست کی ہے۔
ویدھیکا نے اپنی ٹویٹ میں لکھا کہ ’’پولیس اسٹیشن جار رہی ہوں کیونکہ میرا سکون کہیں گم ہو گیا ہے۔‘‘
Police station ja rahi hun sukoon kho gaya hai mera@MumbaiPolice
— Vedhika Arya (@vedhikaarya) October 31, 2023
ممبئی پولیس نے بھی سکون کی متلاشی خاتون کو ایکس پلیٹ فارم پر فوری ردعمل دیتے ہوئے کہا قدرے فکر انگیز جواب دیا کہ ’’مِس آریا، ہم میں سے بہت سے لوگ سکون کی تلاش میں ہیں۔‘‘
ممبئی پولیس نے خاتون کو مخاطب کرتے ہوئے مزید لکھا کہ ہم اس بات پر آپ کے ممنون ہیں کہ آپ نے ہم پر اعتبار کیا اور ہمیں یقین ہے کہ آپ روح میں سکون کو محسوس کریں گی لیکن کسی اور مسئلے کے لیے آپ بے شک ہمارے پاس آ سکتی ہیں۔
Many of us are in ‘talaash’ of ‘sukoon’ too Ms Arya! We appreciate your ‘aitbaar’ in us and are sure that you will find it in your ‘rooh’ – for anything else tangible, you may ‘beshaq’ come to us #EnsuringSukoonForMumbai #MumbaiFirst https://t.co/GkA3sTmf8n
— मुंबई पोलीस – Mumbai Police (@MumbaiPolice) October 31, 2023
اس کے علاوہ ممبئی پولیس نے دلچسپ انداز میں ہیش ٹیگ استعمال کرتے ہوئے لکھا کہ ’ممبئی کے لیے سکون یقینی بنا رہے ہیں۔‘
خاتون کی اس انوکھی پوسٹ اور اس پر پولیس کا ردعمل دیکھتے ہی دیکھتے وائرل ہو گیا ہے اور لوگوں نے اس پر دلچسپ تبصرے بھی شروع کر دیے۔
Police ne aaj tk kuch dundh krr diya h?
— @aalaspun_ (@Aalaspun_) October 31, 2023
آلاس پن نامی صارف نے اس ٹویٹ کے ردعمل میں ممبئی پولیس کی پول پٹی کھولتے ہوئے کہا کہ ’’پولیس نے آج تک کچھ ڈھونڈ کر دیا ہے؟‘‘