ARYNews.tv | Urdu – Har Lamha Bakhabar

ٹماٹر کا نام سن کر ہی بھارتیوں کو رونا آنے لگا، ویڈیو وائرل

ٹماٹر کی قیمت

Written by

ویب ڈیسک

in

بھارتیوں کے لیے ٹماٹر خریدنا جوئے شیر لانے کے متراف ہوگیا ہے کیوں کہ وہاں یہ سبزی خریدنا عام آدمی کی پہنچ سے تقریباً باہر ہوچکا ہے، ٹماٹر کا نام سن کر ہی بھارتیوں کو رونا آنے لگا ہے۔

سوشل میڈیا پر ایک غریب بھارتی سبزی فروش کی ویڈیو زیرگردش ہے جس میں وہ دہائی دیتا اور روتا ہوا نظر آرہا ہے کہ روزی کمانے کے لیے ٹماٹر خریدنا کتنا کٹھن ہوچکا ہے۔

دہلی کے سبزی فروش رامیشور بھی ایسے لوگوں میں سے ہے جن کے لیے یہ صورتحال نہایت پریشان کن ہے اور وہ مقامی پورٹل کو انٹرویو دیتے ہوئے رو پڑے، روتے ہوئے انھوں نے کہا کہ ٹماٹر کا موجودہ مارکیٹ ریٹ اتنا زیادہ ہے کہ ان کے چھوٹے کاروبار کو شدید دھچکا پہنچا ہے۔

رامیشور نے بتایا کہ ’ٹماٹر بہت مہنگے ہیں، مجھ میں خریدنے کی سکت نہیں، پتہ نہیں یہ اس قیمت پر فروخت بھی ہوگا یا نہیں۔‘

واضح رہے کہ پڑوسی ملک میں ٹماٹر کی قیمتوں میں 300 گنا اضافہ ہوچکا ہے، لوگ بارڈر کراس کرکے اطراف کے ممالک جارہے ہیں تاکہ سستے ٹماٹر لاسکیں۔

میک ڈونلڈز اور سب وے جیسے عالمی فاسٹ فوڈ چینز نے بھی ٹماٹر کی بڑھتی قیمتوں کے آگے ہتھیار ڈال دیے ہیں اور یہ لال سبزی ان کے برگرسز اور دیگر کھانوں سے غائب ہوچکی ہے۔

More posts