تہران(24 اگست 2025): ایرانی سکیورٹی فورسز نے جنوبی مغربی علاقے میں کارروائی کے دوران 6 عسکریت پسند ہلاک کردیے جبکہ 2 کو گرفتار کرلیا گیا۔
ایرانی میڈیا رپورٹ کے مطابق عسکریت پسندوں کو سیستان بلوچستان میں سیکیورٹی فورسز کے ساتھ فائرنگ کے تبادلے میں ہلاک کیا گیا۔
ایرانی میڈیا کا کہنا ہے کہ ہلاک دہشت گردوں سے بڑی تعداد میں ہتھیار اور گولہ بارود برآمد ہوا، آپریشن کی ویڈیو بھی جاری کردی گئی، ہلاک عسکریت پسندوں کا تعلق اسرائیل سے ہے اور وہ اسرائیلی خفیہ ایجنسی موساد کے زیر تربیت رہے۔
ایرانی حکام کا کہنا ہے ہلاک ہونے والے عسکریت پسندوں میں سے ایک کے سوا سب غیر ملکی تھے تاہم ان کی شہریت نہیں بتائی گئی ہے، گزشتہ روز جنوب مشرقی ایران میں مسلح افراد کے حملے میں پانچ پولیس اہلکار جاں بحق ہوئے تھے۔