اسلام آباد : سیلابی ریلے میں بیٹی کیساتھ بہہ جانیوالے کار سوار ریٹائرڈ کرنل کی لاش مل گئی

اسلام آباد : نجی ہاوسنگ سوسائٹی میں سیلابی ریلے میں بیٹی کیساتھ بہہ جانیوالے کار سوار ریٹائرڈ کرنل اسحاق قاضی کی لاش تین روز بعد مل گئی۔

تفصیلات کے مطابق اسلام اباد کی نجی ہاؤسنگ سوسائٹی کے فیز 5 میں کار سمیت باپ بیٹی کے برساتی ریلے میں بہہ جانے کے معاملے پر ریسکیو 1122 کی ٹیموں تیسرے روز آپریشن شروع کیا۔

کشتیوں غوطہ خوروں اور جدید الات کی مدد سے آپریشن کا اغاز کیا گیا، آپریشن جی ٹی روڈ سوا پل سے شروع کیا گیا۔

سرچ آپریشن کے دوران نجی ہاؤسنگ سوسائٹی کے فیز 5 میں ڈوبنے والی کار میں سوار باپ ریٹائرڈ کرنل اسحاق قاضی کی لاش نکالی گئی۔

مزید پڑھیں : اسلام آباد : برساتی ریلے میں بہہ جانے والی گاڑی کا بونٹ اور دروازہ مل گیا

ریسکیواہلکاروں کا کہنا ہے سیلابی ریلے میں بہنے والے اسحاق قاضی کی لاش دریائے سواں سے ملی ہیں، ان کی جواں سالہ لڑکی کی تلاش جاری ہے۔

اس قبل مدادی ٹیموں کو آپریشن کے دوران گاڑی کا بونٹ اور دروازہ ملا تھا۔

یاد رہے 22 جولائی کو نجی ہاؤسنگ سوسائٹی کے فیز فائیو میں کرنل ریٹائرڈ اسحاق قاضی اپنی بیٹی کے ہمراہ کار میں سوار ہو کر گھر سے نکلے تھے کہ سوسائٹی کے برساتی نالے میں کار بند ہونے کے باعث پانی میں بہہ گئی تھی۔

واقعہ کی ویڈیو میں دیکھا جا سکتا تھا کہ بے بس باپ گاڑی سے مدد کے لیے پکارتا رہا، کار میں ریٹائرڈ کرنل اسحاق قاضی اوران کی پچیس سال کی بیٹی سوار تھیں۔

اس کے ساتھ اسلام آباد اور راولپنڈی میں کلاؤڈ برسٹ کے بعد ہونے والی طوفانی بارش کے باعث سید پور ولیج میں متعدد گاڑیاں بہہ گئیں تھیں۔