ARYNews.tv | Urdu – Har Lamha Bakhabar

بھارتی چوکی تباہ، آئی ایس پی آر نے ویڈیو جاری کردی

Written by

ویب ڈیسک

in

راولپنڈی : بھارتی فوج کی جانب سے لائن آف کنٹرول پر سیز فائر کی خلاف ورزی پر جوابی کارروائی کرتے ہوئے پاک فوج نے بھارتی چوکی تباہ کردی جس کی ویڈیو آئی ایس پی آر نے جاری کردی۔

تفصیلات کے مطابق پاک فوج نے گزشتہ روز بھارتی فوج نے لائن آف کنٹرول پر سیز فائر کی خلاف ورزی کرتے ہوئے سیکٹر تتہ پانی پر مقامی آبادی پر فائرنگ کی تھی جس پر جوابی کارروائی کرتے ہوئے پاک فوج نے 5 بھارتی فوجیوں کوابدی نیند سلایا اور بھارتی بنکرز تباہ کردیئے تھے۔

آج سماجی رابطے کی ویب سائٹ ٹوئٹر پر بھیجے گئے اپنے پیغام میں ڈی جی آئی ایس پی آر نے بھارتی بنکر تباہ کرنے کی ویڈیو جاری کردی ہے جس میں دیکھا جا سکتا ہے کہ کس طرح بھارتی کمپ کو تباہ کیا گیا۔

خیال رہے بھارت کی جانب لائن آف کنٹرول پر مسلسل سیز فائر کی خلاف ورزی جاری ہے جس میں بھارت سول آبادی کو بھی نشانہ بنا رہا ہے جس کے جواب میں پاکستان نے بھارتی توپیں خاموش کرادیں۔

خیال رہے کہ اقوام متحدہ کے فوجی مبصرین کے گروپ نے پاکستان میں سرحدی علاقوں کا دورہ بھی کیا تھا جس کے دوران بھی باوجود اس کے کہ فوجی مبصر کی گاڑی پر نیلا جھنڈا لہرا رہا تھا اسے فائرنگ کا نشانہ بنایا گیا تھا۔

More posts