اسرائیلی فوج کی بربریت میں مزید اضافہ ہوگیا، دیرالبلح اور خان یونس پر کئے گئے تازہ حملوں میں مزید 20 سے زائد فلسطینی شہید ہوگئے۔
بین الاقوامی خبر رساں ادارے کی رپورٹ کے مطابق اسرائیلی بمباری سے المغازی ریفیوجی کیمپ میں تین فلسطینی جام شہادت نوش کرگئے۔ اقوام متحدہ دیرالبلح سے اسرائیلی فوج کے انخلا کے حکم کے بعد غزہ کیلیے امدادی آپریشن روکنے پر مجبور ہوگیا۔ بچوں اور خواتین سمیت لاکھوں فلسطینی امدادی خوراک سے محرومی کا شکار بھی ہوگئے ہیں۔
اسرائیل کی جانب سے صرف گزشتہ 6 دن میں بے گھر فلسطینیوں کو پانچ مرتبہ انخلا کے احکامات جاری کیے گئے۔ اقوام متحدہ نے اپنا امدادی آپریشن سینٹر رفح کے بعد دیرالبلح منتقل کردیا تھا۔
دوسری جانب سعودی ولی عہد محمد بن سلمان سے فلسطینی صدر محمود عباس نے ملاقات کی، اس موقع پر ملاقات میں غزہ کی صورتِ حال سمیت فوجی کشیدگی کم کرنے پر تبادلہ خیال کیا گیا۔
رپورٹ کے مطابق ملاقات میں غزہ کی صورتِ حال سمیت فوجی کشیدگی کم کرنے پر تبادلہ خیال کیا گیا۔
سعودی ولی عہد محمد بن سلمان نے اس موقع پر گفتگو کرتے ہوئے کہا ہے کہ سعودی عرب اپنے فلسطینی بھائیوں کے ساتھ کھڑا ہے۔
ٹرمپ کو نظرثانی شدہ فرد جرم کا سامنا
انہوں نے کہا کہ سعودی عرب غزہ اور دیگر علاقوں میں کشیدگی ختم کرانے کے لیے بین الاقوامی اور علاقائی فریقین سے رابطے میں ہے۔