اسرائیلی فوج کا کہنا ہے کہ یمن سے داغا گیا میزائل ناکارہ بنا دیا گیا ہے، غزہ میں اسرائیلی مظالم کے جواب میں یمن سے حوثیوں نے باقاعدگی سے اسرائیل پر میزائل حملے کیے ہیں۔
عرب خبر رساں ادارے کی رپورٹ کے مطابق اسرائیلی فوج کا کہنا ہے کہ اسرائیل کے کئی علاقوں میں سائرن بج اُٹھے، جس کے بعد یمن سے داغا گیا ایک میزائل آئی اے ایف نے ناکارہ بنا دیا ہے۔
رپورٹس کے مطابق میزائل اسرائیل پر داغے جانے والے میزائل حملے کی فوری طور پر کسی نے ذمہ داری قبول نہیں کی۔
واضح رہے کہ حوثیوں نے سات اکتوبر 2023 کے بعد سے اپنے فلسطینی اتحادی حماس کی حمایت میں اسرائیل کو بار بار میزائل اور ڈرون حملوں کا نشانہ بنایا ہے۔
دوسری جانب غزہ پر قبضے کے منصوبے کے پیش نظر اسرائیل نے غزہ کی سرحدوں پر تازہ کمک پہنچا دی ہے، اسرائیلی ٹینک زمینی پیش قدمی کے لیے تیار ہیں، غزہ میں جاری اسرائیلی حملوں میں مزید 60 سے زائد فلسطینی جام شہادت نوش کرگئے۔
رپورٹ کے مطابق غزائی قلت کے سبب مزید تین فلسطینی انتقال کرگئے جس کے بعد اسرائیل کے جبری قحط سے اموات 303 ہو گئیں۔
ایرانی فورسز کی بڑی کارروائی، 13 شدت پسند ہلاک، متعدد گرفتار
اقوام متحدہ، کینیڈا، سعودی عرب اور ایران نے اسپتال پر اسرائیلی حملے کی غیرجانبدارانہ تحقیقات کا مطالبہ کیا ہے، امریکی صدر ٹرمپ کا کہنا ہے اگلے دو سے تین ہفتے میں غزہ جنگ کا فیصلہ کُن نتیجہ سامنے آجائے گا۔