’ضروری نہیں پنجاب میں حکومت بناتے ہی اسمبلی تحلیل کر دیں‘

تحریک انصاف کے مرکزی رہنما اسدعمر نے کہا ہے کہ ضروری نہیں کہ پنجاب میں حکومت بناتےہی اسمبلی تحلیل کر دیں پنجاب میں حکومت بنانےکےبعدبھی صورتحال دیکھی جاسکتی ہے۔

اے آروائی نیوز کے پروگرام آف دی ریکارڈ میں گفتگو کرتے ہوئے اسدعمر نے کہا کہ پرویزالٰہی ہمارے اتحادی ہیں ان سے بھی مشاورت ہو رہی ہے شہبازشریف استعفیٰ دینا چاہتے ہیں تو ضرور دیں جب شہباز شریف استعفیٰ دیں تو انہیں پنجاب اور کےپی میں پی ٹی آئی سےلڑنا پڑے گا۔

اسدعمر نے کہا کہ پی ڈی ایم اسلام آباد میں رہ گئی صوبوں میں توان کے پاس اختیار نہیں شبازشریف کیا صرف اسلام آباد میں بیٹھیں گے؟ وہ بھی الیکشن چاہیں گے سیاسی طور پر تو ہم کہیں گےکہ اچھا ہے انہیں چلنےدیں ملبہ ان پر گرے سیاسی فائدہ نہیں دیکھ رہےملک کیلئےشفاف الیکشن چاہتے ہیں۔

انہوں نے کہا کہ وقت ہمارا ساتھ دے رہا ہے ہمیں کوئی جلدی نہیں ہے وقت ہمارےساتھ ہےلیکن ہم پاکستان کیلئے جلد شفاف الیکشن چاہتےہیں ہم صرف الیکشن نہیں صاف اورشفاف الیکشن چاہتے ہیں آئی ایم ایف معاہدہ ہوگیا اس کے باوجود روپےکی قدر گر رہی ہے ہم تو ملک کیلئےکہہ رہےہیں کہ شفاف الیکشن ہونےچاہئیں۔