چیئرمین تحریک انصاف عمران خان نے کہا ہے کہ پوری طرح سے واضح ہو چکا کہ پی ڈی ایم ہر حال میں انتخابات سے فرارہی چاہتی ہے۔
ٹوئٹر پر جاری بیان میں عمران خان نے کہا کہ یہ سپریم کورٹ کے حوالے سے ایک غیرآئینی قانون لے کر آئے اور عدلیہ کیخلاف قومی اسمبلی سےایک قرارداد منظور کی گئی۔
آج پاکستان پوری طرح جنگل کے قانون کی گرفت میں ہے۔پی ڈی ایم اور اسکے سرپرست تحریک انصاف کے کارکنان اور قائدین کے تعاقب کے یک نکاتی ایجنڈے پر کاربند ہیں۔ ضمانتوں کے باوجود علی امین گنڈاپور کو گرفتار کرنے کا فیصلہ پہلےہی سےکیا گیاتھا۔مگر اس سب کےباوجود انہیں انتخابات میں شکستِ فاش… pic.twitter.com/mcISweYJgb
— Imran Khan (@ImranKhanPTI) April 6, 2023
انہوں نے کہا کہ اب انتخابات کو التواء میں ڈالنےکی کوشش کرنے اور سیکیورٹی کو اس کے ایک جواز کے طور پر استعمال کرنے کیلئے کل قومی سلامتی کمیٹی کا اجلاس طلب کیا گیا ہے انکا یہ اقدام مسلح افواج کو عدلیہ ہی نہیں بلکہ براہِ راست قوم کے سامنے لاکھڑا کرے گا۔
چیئرمین پی ٹی آئی کا کہنا تھا کہ آج پاکستان پوری طرح جنگل کے قانون کی گرفت میں ہے پی ڈی ایم، سرپرستوں کا ایک ہی ایجنڈا ہے پی ٹی آئی کارکنان اور قائدین کا تعاقب، ضمانتوں کے باوجود علی امین گنڈاپور کو گرفتار کرنے کا فیصلہ پہلے ہی سےکیا گیاتھا اس سب کے باوجود انہیں الیکشن میں شکست فاش کی دھول چٹائیں گے۔