اٹلی کے ٹینس اسٹار ورلڈ نمبر ون یانک سنر نے یو ایس اوپن مینز کا ٹائٹل جیت لیا انہوں نے فائنل میں امریکا کے ٹیلر فرٹز کو شکست دی۔
یانک سنر نے فائنل میں شاندار کھیل کا مظاہرہ کرتے ہوئے امریکی حریف کے خلاف اسٹریٹ سیٹ میں کامیابی حاصل کی اور پہلی بار یوس ایس اوپن کا ٹائٹل جیتا۔
فائنل مقابلہ دو گھنٹے 15 منٹ تک جاری رہا اور یانک کا کامیابی کا اسکور چھ تین، چھ چار اور سات پانچ رہا۔ یہ ان کے کیریئر کا دوسرا گرینڈ سلم ٹائٹل ہے۔
یانک سنر نے رواں برس آسٹریلین اوپن میں بھی کامیاب حاصل کی تھی۔
واضح رہے کہ یو ایس اوپن ویمنز ٹائٹل کی فاتح ارینا سبالانکا نے بھی رواں برس آسٹریلین اوپن میں کامیابی حاصل کی اور انہوں نے بھی ایک ہی سال میں دو گرینڈ سلام ٹائٹل جیتنے کا اعزاز حاصل کیا۔