اسلام آباد: فیڈرل بورڈ آف ریونیو (ایف بی آر) نے انکم (آمدن) ٹیکس جمع کرانے کی تاریخ میں چوتھی بار توسیع کی اور آخری تاریخ 30 نومبر مقرر کردی۔
ایف بی آر کی جانب سے جاری ہونے والے نوٹی فکیشن کے مطابق انکم ٹیکس گوشوارےجمع کرانےکی تاریخ میں ایک ماہ کی توسیع کردی گئی جس کے بعد اب 30 نومبر تک انکم ٹیکس ریٹرن جمع کرائے جاسکیں گے۔
قبل ازیں چیئرمین ایف بی آر نے اعلان کیا کہ اکتوبر میں مہینے میں 320 ارب روپے کا ٹیکس جمع ہوا جس گزشتہ اکتوبر کے مقابلے میں 16 فیصد زیادہ ہے۔
انہوں نے بتایا کہ مقامی ٹیکس وصولی میں25 فیصدکااضافہ ہوا جبکہ درآمدات میں کمی کے باعث ٹیکس وصولی میں50 ارب روپے کم وصول بھی ہوئے۔
یاد رہے کہ اس سے قبل ایف بی آر کی جانب سے ٹیکس ریٹرن جمع کرنے کی آخری تاریخ 2 اگست، 31 اگست، 31 اکتوبر مقرر کی تھی البتہ فیڈرل بورڈ آف ریونیو کے حکام نے تاریخ میں ایک بار پھر توسیع کردی۔
null
null
گزشتہ حکومت میں مقررہ تاریخ گزر جانے کے بعد ریٹرن فائل کرنے والے شخص کو اضافی رقم بطور جرمانہ ادا کرنا پڑتی تھی اس کے علاوہ آڈٹ کے مرحلے سے بھیگزرنا پڑتا تھا البتہ تحریک انصاف نے گزشتہ معاشی سال میں بھی ریٹرن جمع کرانے والوں کو سہولت دی۔
مزید پڑھیں: رواں سال انکم ٹیکس گوشوارے جمع کروانے والوں کی تعداد 25 لاکھ تک جاپہنچی
یہ بھی یاد رہے کہ حکومت نے رواں مالی سال 2020-2019 کے لیے 70 کھرب 22 ارب روپے کا بجٹ پیش کیا گیا۔ جس میں سے ٹیکس وصولی کا ہدف 550 ارب روپے مختص کیا گیا۔ حکومت پاکستان نے ملکی معیشت کو مضبوط اور مستحکم کرنے کے لیے لوگوں کو ٹیکس نیٹ میں لانے کا فیصلہ کیا جس کے تحت مختلف اقدامات بھی کیے جارہے ہیں۔اس ضمن میں سب سے پہلے 14 مئی کو ٹیکس ایمنسٹی اسکیم متعارف کرائی گئی تھی جو تین جولائی کو ختم ہوئی۔
یہ بھی یاد رہے کہ گزشتہ ماہ ایف بی آر کی جاری ایک رپورٹ میں بتایا گیا تھا کہ انکم ٹیکس گوشوارے جمع کروانے والوں کی تعداد میں 69 فی صد اضافہ ہوا جس کے بعد ٹیکس دہندگان کی تعداد 25 لاکھ تک پہنچ گئی۔
رپورٹ میں بتایا گیا تھا کہ گزشتہ سال کے مقابلے میں 13 لاکھ 60 ہزار فائلرز کا اضافہ ریکارڈ کیا گیا، گزشتہ سال انکم ٹیکس فائلرز کی تعداد 15 لاکھ تھی۔ ایف بی آر کے مطابق وہ لوگ غیر منقولہ جائیداد یا 1000 سی سی کی گاڑی رکھنے ہیں وہ بھی انکم ٹیکس آرڈیننس 2001 کے تحت ٹیکس ریٹرن جمع کرائیں گے۔