وومن یونیورسٹی راولپنڈی مین میں سانحہ جعفر ایکسپریس کے متاثرین سے اظہار یکجہتی کیلیے امن واک کا انعقاد کیا گیا جس میں مختلف شعبہ جات سے تعلق رکھنے والے اساتذہ اور طلبہ کی بڑی تعداد نے شرکت کی۔
واک کے شرکا نے سانحہ جعفر ایکسپریس اور دہشتگردی کے مذمت کرتے ہوئے کہا کہ ملک کو امن اور محبت کا گہوارا بنانے کیلیے سب کو کردار ادا کرنا ہوگا۔
سانحہ جعفر ایکسپریس، دہشتگردی کے دوسرے واقعات اور بڑھتی ہوئی شدت پسندی کے خلاف وومن یونیورسٹی راولپنڈی کے مختلف شعبہ جات سے تعلق رکھنے والے افراد نے شرکت کی۔
واک کا مقصد سانحہ جعفر ایکسپریس اور دہشتگردی کے دوسرے واقعات میں شہید ہونے والوں کے لواحقین کے ساتھ اظہار ہمدردی کرنا اور دہشتگردی اور شدت پسندی کی مذمت کرنا تھا۔
اس موقع پر طلبہ نے بینرز اور پلے کارڈ اٹھا رکھے تھے جن پر جن پر ”11 مارچ یوم سیاہ“ اور ”ہم متحد ہیں“ جیسے نعرے درج تھے۔
اساتدہ کا کہنا تھا کہ ملک میں امن کیلیے شدت پسندی کا خاتمہ ضروری ہے۔
طلبہ نے شہدا کے لواحقین کے ساتھ اظہار ہمدردی کرتے ہوئے اس عزم کا اعادہ کیا کہ وہ ملک سے دہشگردی کے خاتمے کے لیے اپنی کاوش جاری رکھیں گے۔
سانحہ جعفر ایکسپریس کے متاثرین سے اظہار یکجہتی کے لیے واک میں شامل طلبہ نے قومی یکجہتی اور ہم آہنگی پر بھی زور دیا۔