سندھ میں پانی کی کمی پر وفاق سے اختلاف ہے: وزیر آبپاشی سندھ

کراچی: صوبائی وزیر آبپاشی جام خان شورو نے کہا ہے کہ سندھ میں پانی کی کمی کے متعلق وفاق سے اختلاف ہے۔

تفصیلات کے مطابق صوبائی وزیر آبپاشی جام خان شورو نے صوبے کو پانی کی فراہمی سے متعلق بیان جاری کرتے ہوئے کہا کہ سندھ میں پانی کی کمی کے متعلق وفاق سے اختلاف ہے۔

وزیرآبپاشی جام خان شورو نے کہا کہ سندھ میں پانی کی کمی کے باوجود نارا اور روہڑی کینال کو 7 ہزار 200 کیوسک پانی مل رہا ہے۔

صوبائی وزیر آبپاشی جام خان شورو کا کہنا تھا کہ صوبہ سندھ میں پیشگی فصلوں کی پیداوار ہونے کے لیے پانی کی کمی نہ کی جائے۔

ان کا کہنا تھا کہ سندھ کی دیگر کینالوں میں 70 فیصد تک پانی کی کمی ہے، روٹیشن پروگرام کے تحت فصلوں اور پینے کے پانی کی فراہمی یقینی بنا رہے ہیں۔