بھارت میں رمضان المبارک کا چاند نظر نہیں آیا لہذا پہلا روزہ 24 مارچ بروزہ جمعہ کو ہوگا۔
بھارتی میڈیا کے مطابق ملک کی مختلف رویت ہلال کمیٹیوں نے رمضان المبارک کا چاند نظر نہ آنے کا اعلان کیا ہے۔
ہلال کمیٹی دارالعلوم دیوبند، ہلال کمیٹی جامع مسجد دہلی، امارت شرعیہ بہار جھارکھنڈ، مرکزی ہلال کمیٹی کانپور سمیت دیگر کمیٹیوں کو ملک بھر کے کسی حصے سے چاند کی شرعی رویت سے متعلق شہادتیں موصول نہیں ہوئیں۔
واضح رہے کہ سعودی عرب، یواےای اور خلیجی ممالک میں گزشتہ روز رمضان کا چاند نظر نہ آنے کا اعلان کیا گیا تھا۔ ان ممالک میں پہلا روزہ 23 مارچ بروز جمعرات کو ہوگا۔