امیرجماعت اسلامی بنگلا دیش شفیق الرحمان نے حافظ نعیم الرحمان سے رابطہ کر کے پاکستان میں آنے والے حالیہ سیلاب سے جانی و مالی نقصان پر افسوس کا اظہار کرتے ہوئے متاثرین سے ہمدردی کی ہے۔
جماعت اسلامی بنگلا دیش کی جانب سے امدادی سرگرمیوں میں ہر ممکن تعاون کی پیشکش بھی کی گئی ہے۔
ڈاکٹر شفیق الرحمان نے کہا کہ پاکستان میں سیلاب اور زلزلہ کی اطلاعات پر دلی رنج ہوا ہے ہمارے دل پاکستان کی عوام کے ساتھ دھڑکتے ہیں پاکستان اوربنگلہ دیش کے عوام یک جان دو قالب ہیں۔
ڈاکٹر شفیق الرحمان نے الخدمت فاؤنڈیشن کے رضاکاران کی کاوشوں پر اطمینان کا اظہار کرتے ہوئے کٹھن حالات میں امدادی سرگرمیوں پر خراج تحسین پیش کیا۔
حافظ نعیم الرحمان نے سیلاب کی صورتحال اور امدادی سرگرمیوں سےآگاہ کیا اور اظہارہمدردی کے ساتھ ساتھ تعاون کی پیشکش پر شکریہ ادا کیا۔
علاوہ ازیں حافظ نعیم الرحمان کا کہنا ہے کہ جماعت اسلامی سیلاب متاثرین کی مکمل بحالی کے لیے بھرپور مقدمہ لڑے گی حکومت کو متاثرین کے تمام حقوق دینا ہوں گے وگرنہ گھیراؤ کریں گے۔