ایڈیلیڈ: انگلش ٹیم کے فاسٹ بولر جیمز اینڈرسن نے بیٹنگ میں انوکھا اعزاز اپنے نام کرلیا۔
تفصیلات کے مطابق انگلش ٹیم کے مایہ ناز فاسٹ بولر جیمز اینڈرسن تقریباً دو دہائیوں سے اپنی جادوئی بولنگ سے ایک کے بعد ایک ریکارڈ توڑتے رہے ہیں۔
اینڈرسن 634 ٹیسٹ وکٹوں کے ساتھ ٹیسٹ کرکٹ کی تاریخ میں سب سے زیادہ وکٹیں لینے والے کرکٹرز کی فہرست میں تیسرے نمبر پر ہیں۔
اب جیمز اینڈرسن ٹیسٹ کرکٹ میں سب سے زیادہ مرتبہ ناٹ آؤٹ رہنے والے کرکٹر بھی بن گئے ہیں، فاسٹ بولر نے یہ اعزاز ایڈیلیڈ ٹیسٹ میں اپنے نام کیا۔
انگلش فاسٹ بولر ٹیسٹ کرکٹ میں 100 مرتبہ ناٹ آؤٹ رہنے والے دنیا کے پہلے کرکٹر بن گئے۔
James Anderson becomes the first player to stay unbeaten 100 times in a completed Test innings 🤯#Australia #England #AUSvENG #Ashes pic.twitter.com/SHxoZBI6cH
— Sportskeeda (@Sportskeeda) December 18, 2021
اس فہرست ویسٹ انڈیز کے سابق فاسٹ بولر کورٹنی والش 61 مرتبہ ناٹ آؤٹ رہے ہیں جبکہ تیسرا نمبر مرلی دھرن کا ہے وہ 55 مرتبہ ناٹ آؤٹ رہے ہیں، سابق انگلش پیسر باب ولس 55 مرتبہ ناٹ آؤٹ رہے۔
واضح رہے کہ آسٹریلیا نے دوسرے ٹیسٹ میچ میں انگلینڈ کو 275 رنز سے شکست دے کر سیریز پانچ میچوں کی سیریز میں 2-0 کی برتری حاصل کرلی۔