جڑانوالہ : سانحہ جڑانوالہ میں مسیحی املاک پرحملوں کیخلاف دہشت گردی دفعات کے تحت مزید 16 مقدمات درج کرلیے گئے ، جس کے بعد مقدمات کی تعداد21 ہوگئی۔
سانحہ جڑانوالہ میں ملوث افراد کیخلاف دہشت گردی دفعات کے تحت مزید سولہ مقدمات درج کرلیے گئے، مقدمات میں توڑپھوڑ، جلاؤگھیراؤ اور کارِسرکار میں مداخلت کی دفعات بھی شامل کی گئی ہیں۔
مقدمات میں ساڑھے سات سو سے زائد نامعلوم ملزمان نامزد ہیں، جن کی گرفتاری کیلیے چھاپےمارے جارہے ہیں جبکہ دو سو سے زائد ملزمان کو گرفتارکیا جاچکا ہے۔
پولیس کا کہنا ہے کہ مسیحی املاک پر حملوں کیخلاف درج مقدمات کی تعداد اکیس ہوگئی۔