کینسر میں مبتلا جوبائیڈن کا علاج شروع

کینسر میں مبتلا امریکا کے سابق صدر جوبائیڈن کا علاج شروع کردیا گیا۔

غیر ملکی میڈیا رپورٹ کے مطابق امریکا کے سابق صدر جوبائیڈن پروسٹیٹ کینسر میں مبتلا ہیں، جوبائیڈن کا کینسر ہڈی تک پھیل چکا ہے۔

بیماری میں مبتلا ہونے کا اعلان کرنے کے بعد پہلے بیان میں سابق صدر جوبائیڈن نے کہا کہ مرض کی تشخیص بہتر ہوئی ہے، ہم کینسر کو شکست دینے کے قابل ہوجائیں گے۔

واضح رہے کہ چند روز قبل امریکا کے سابق صدر جوبائیڈن کو پروسٹیٹ کے کینسر کی تشخیص ہوئی تھی، انھیں پیشاب کی نالی میں تکلیف تھی جس پر انھوں نے ٹیسٹ کروائے تھے، ڈاکٹروں نے بائیڈن کے کینسر کو ’اعلی درجے‘ کا کینسر قرار دیا ہے، جو تیزی سے پھیل سکتا ہے۔

https://urdu.arynews.tv/joe-biden-diagnosed-prostate-cancer/

ماہرین کا کہنا ہے کہ بائیڈن کے کینسر نے ایک جارحانہ صورت اختیار کر لی ہے، جو قابل علاج تو ہے، لیکن مکمل طور پر قابل شفا نہیں ہے۔

https://urdu.arynews.tv/joe-biden-psa-test-prostate-cancer/