ورلڈ کپ کے وینیو دھرم شالہ کی آؤٹ فیلڈ پر انگلینڈ کے کپتان جوز بٹلر بھی بول پڑے۔
ورلڈ کپ کے وینیو دھرم شالہ کی آؤٹ فیلڈ پر انگلینڈ کے کپتان جوز بٹلر نے مایوسی کا اظہار کرتے ہوئے کہا کہ گراؤنڈ کی آؤٹ فیلڈ بہت خراب ہے۔
جوز بٹلر نے کہا کہ آؤٹ فیلڈ ایسی ہے کہ جو ورلڈ کپ کے لیے فٹ نہیں ہے۔
انگلش کپتان کا کہنا ہے کہ کھلاڑیوں کو فیلڈنگ کے دوران محتاط رہنا پڑے گا ، اگر یہ میری نظر میں خراب آؤٹ فیلڈ ہے تو پھر تھوڑا احتیاط کرنے کی ضرورت ہے ، جب آپ ملک کے لیے کھیل رہے ہو تے ہیں تو پھر احتیاط نہیں کر سکتے۔
جوز بٹلر نے کہا کہ آپ ایک ایک رنز بچانے کے لیے پورا زور لگا دیتے ہیں ، آپ کو فیلڈنگ کے دوران اعتماد رکھنا پڑتا ہے ،آؤٹ فیلڈ اتنی اچھی نہیں ہے جتنی یہ ہو سکتی ہے یا جتنی اچھی ہونی چاہیے۔
انہوں نے مزید کہا کہ کھلاڑیوں کو ہر صورت میں احتیاط کرنا پڑے گی۔
واضح رہے کہ افغانستان ٹیم کے انگلش کوچ جوناتھن ٹراٹ نے بھی افغانستان اور بنگلہ دیش کے میچ کے بعد انگلینڈ کو خبردار کردیا تھا۔