اسلام آباد: پاکستان نے افغانستان میں صحافی انس ملک کی گمشدگی پر اظہار تشویش کیا ہے۔
دفتر خارجہ کے ترجمان نے کہا ہے کہ افغانستان میں صحافی انس ملک کی مبینہ گمشدگی کے حوالے سے پاکستان کو شدید تشویش ہے، پاکستان نے افغان حکام سے صحافی انس ملک کی جلد بازیابی کی درخواست کی ہے۔
ترجمان کے مطابق صحافی انس ملک گزشتہ روز سے کابل سے لاپتا ہیں، انس ملک رپورٹنگ کے لیے کچھ روز قبل افغانستان گئے تھے، وہ بھارتی ٹی وی چینل سے وابستہ ہیں۔
We at @ForeignOfficePk are deeply concerned about the disappearance of @AnasMallick, FO correspondent, from #Kabul yesterday. We are in touch with local authorities and @PakinAfg for his early & safe return to Pakistan.
— Spokesperson 🇵🇰 MoFA (@ForeignOfficePk) August 5, 2022
ترجمان دفتر خارجہ نے کہا کہ وزیر خارجہ بلاول بھٹو نے بھی صحافی کے لاپتا ہونے کا نوٹس لیا ہے، اور کابل میں پاکستانی سفیر نے یہ معاملہ افغان حکام کے ساتھ اٹھایا، دفتر خارجہ نے پاکستان میں افغانستان کے سفارت خانے سے بھی رابطہ کیا ہے۔
ترجمان نے بتایا کہ افغان ناظم الامور کو آج دفتر خارجہ طلب کیا گیا اور اعلیٰ حکام کو اس معاملے پر اپنی تشویش سے آگاہ کیا گیا۔