اداکارہ و میزبان جگن کاظم نے اداکارہ علیزے شاہ سے معافی مانگ لی۔
اداکارہ علیزے شاہ نے شازیہ منظور کے ساتھ ریمپ واقعے کی نقل کرنے پر جگن کاظم پر بھی تنقید کی اور کہا تھا کہ وہ شازیہ کو گلے لگا کر مسکرا رہی تھیں۔
انہوں نے کہا کہ علیزے شاہ مجھے نہیں پتا تھا کہ اب ویڈیو پر اپ سیٹ ہیں، آپ نے دوسروں کی بات کی اور آخر میں یہ کہا کہ جگن کاظم جن کی میں بہت عزت کیا کرتی تھی، یہ ’تھی‘ والی بات میرے دل کو جاکر لگ گئی۔
جگن کاظم نے کہا کہ میں بالکل بھی نہیں چاہوں گی کہ کوئی انسان میرا انڈسٹری میں جونیئر ہے اور نوجوان ہے وہ میری وجہ سے اپٹ سیٹ ہو، اگر میری وجہ سے آپ کا دل دکھا ہے تو میں فوری آپ سے معافی مانگتی ہوں۔
اداکارہ نے کہا کہ جس واقعے کی آپ بات کررہی ہیں وہ چار سال پرانا ہے، اگر آپ نے مجھے کال کرکے بتایا ہوتا کہ آپ ناراض ہیں تو میں آپ سے اسی وقت معافی مانگ لیتی، میرا نہیں خیال کہ معافی مانگنے سے کوئی بڑا یا چھوٹا ہوجاتا ہے۔
یہ پڑھیں: شازیہ منظور نے ریمپ پر جان بوجھ کر دھکا دیا، علیزے شاہ
انہوں نے کہا کہ ہمارا فرض بنتا ہے کہ کسی کا دل دکھایا ہے تو اس سے معافی مانگ لیں، اگر آپ میری وجہ سے دکھی ہوئی ہیں اور آپ کو تکلیف پہنچی ہے تو تہہ دل سے آپ سے معافی مانگ رہی ہوں۔
جگن کاظم نے کہا کہ میں اپنے بچوں اور شوہر سے بھی معافی مانگتی ہوں، میں کسی کا بھی دل دکھاؤں تو مجھے اس سے معافی مانگنے میں کوئی حرج نہیں ہے۔