آئینی ترمیم پر حکومت کی تجاویز آئی ہیں، مشاورت کیلئے کچھ وقت درکار ہے: کامران مرتضیٰ

اسلام آباد: جے یو آئی کے سینیٹر کامران مرتضیٰ نے کہا ہے آئینی ترمیم پر حکومت کی جانب سے تجاویز آئی ہیں، حکومتی تجاویز پر ہمیں مشاورت کیلئے کچھ وقت درکار ہے۔

تفصیلات کے مطابق جے یو آئی کے سینیٹر کامران مرتضیٰ نے میڈیا سے گفتگو میں کہا کہ حکومت کی تجاویز پر مولانا فضل الرحمان سوچیں گے اور پارٹی کے ساتھیوں سے مشاورت کریں گے۔

انہوں نے کہا کہ مجلس عاملہ، شوری اور لیگل ٹیم کے ارکان سے مشاورت ہوگی، حکومتی تجاویز میں ہمیں شاید کوئی چیز اچھی لگے اور کوئی بری، جو چیز اچھی لگے گی اس پر اچھی بات کرینگے جو بری لگے گی اُس پر بری۔

کامران مرتضیٰ کا کہنا تھا کہ قوم دعا کرے ہم سے کوئی غلطی نہ ہو، آئینی ترمیم پر پی ٹی آئی سمیت تمام جماعتوں کو اعتماد میں لینگے، آئینی ترمیم آج اسمبلی میں آرہی ہے یا نہیں معلوم نہیں، بل پر اپنا مائنڈ اپلائی کررہے ہیں۔