ترجمان جمعیت علمائے اسلام (جے یو آئی) اسلم غوری نے کہا ہے کہ صوبائی اسمبلیوں کی تحلیل تحریک انصاف کی سیاسی موت ہوگی۔
اے آر وائی نیوز کے مطابق پاکستان تحریک انصاف کے چیئرمین عمران خان نے پنڈی کے آزادی مارچ جلسے میں صوبائی اسمبلیاں تحلیل کرنے کا اعلان کیا تھا جس کی حتمی تاریخ کا کل اعلان ہوگا۔ اس حوالے سے جے یو آئی کی جانب سے ردعمل سامنے آیا ہے۔
جے یو آئی کے ترجمان اسلم غوری نے اپنے بیان میں کہا ہے کہ صوبائی اسمبلیوں کی تحلیل تحریک انصاف کی سیاسی موت ثابت ہوگی۔ اسمبلیاں تحلیل کرنے کے دعوے تو بہت ہیں لیکن مراعات اب تک لے رہے ہیں۔
یہ بھی پڑھیں: 17 دسمبر کو اسمبلیاں تحلیل کرنے کی تاریخ دوں گا،عمران خان
انہوں نے مزید کہا کہ کے پی میں گزشتہ تمام حکومتوں سے زیادہ موجودہ پی ٹی آئی کی حکومت نے قرضے لیے ہیں لیکن ان کے پاس سرکاری ملازمین کو دینے کے لیے تنخواہیں بھی نہیں ہیں۔