کراچی: بارش بند ہونے کے باوجود کے الیکٹرک کے سیکڑوں فیڈرز تاحال بند

کراچی : بارش بند ہونے کے باوجود کے الیکٹرک کے سیکڑوں فیڈرز تاحال بند ہے اور کئی گھنٹے بعد صرف 50 فیڈرز ہی بحال ہوسکے ہیں۔

تفصیلات کے مطابق کراچی میں بارش بند ہوئے کئی گھنٹے گزر گئے لیکن کے الیکٹرک کےسیکڑوں فیڈرزتاحال بند ہے۔

کے الیکٹرک کے 220 سے زائد فیڈرز، پی ایم ٹیز اور مقامی فالٹ سے کئی علاقوں میں بجلی معطل ہیں اور صرف 50فیڈرز ہی بحال ہوسکے ہیں۔

50 کے قریب فیڈرز کورنگی اور بن قاسم میں 44 فیڈرز بند ہوئے جبکہ گلستان جوہر میں بھی 24سے زائد فیڈرز اور بلدیہ، ڈیفنس،اورنگی ،سرجانی،گلشن اقبال کے مختلف علاقوں میں فیڈرز بند ہے ، جس سے کئی علاقوں میں بجلی کی فراہمی معطل ہیں۔

دوسری جانب کمپنی کے ترجمان نے بتایا کہ حالیہ بارش کےبعد کےالیکٹرک کانظام مستحکم ہےاوربجلی بحالی کاسلسلہ جاری ہے، 2100میں سے 100 سے کم فیڈر حفاظت کے پیش نظر بند کیے گئے ہیں۔