کراچی : شہر قائد میں ایک اور خاتون کی چار روز پرانی لاش گھر سے برآمد ہوئی تاہم لاش سول اسپتال منتقل کر دی گئی ہے۔
تفصیلات کے مطابق کراچی کے علاقے لائٹ ہاؤس میں سائیکل مارکیٹ کے قریب گھر سے خاتون کی 4 روز پرانی لاش ملی ہے۔
پولیس نے بتایا کہ خاتون کی عمر ستر برس ہے، متوفیہ کی شناخت پروین کے نام سے ہوئی.
پولیس کا کہنا تھا کہ لاش سول اسپتال منتقل کر دی گئی ہے اور ابتدائی معلومات حاصل کرنے کے بعد واقعے کی مزید تحقیقات کی جا رہی ہیں۔
یاد رہے یاد رہے ملیرندی سے خاتون کی 2 روز قبل ڈرم سے لاش ملی تھی، جس کے بعد مقدمہ سرکار مدعیت میں نامعلوم افراد کے خلاف درج کیا گیا تھا۔
مزید پڑھیں : کراچی : ڈرم سے ملنے والی خاتون کی لاش کا پوسٹ مارٹم مکمل ، اہم انکشاف سامنے آگیا
جس میں کہا گیا تھا کہ لیڈی ایم ایل او کی جانب سے تین اعضا کے سیمپل لے لیے گئے ہیں، خاتون کو نامعلوم افراد نےکسی رنجش کی بنا پر قتل کیا اور قتل کے بعد نیلے رنگ کے پلاسٹک کے ڈرم میں بند کیا گیا۔
متن میں مزید کہنا تھا کہ ملزمان لاش کو ملیر ندی بند جاجی شمبے گوٹھ پر پھینک کرفرار ہوئے، خاتون کو ایک سے زائد افراد نے مل کر قتل کیا۔
ایس ایس پی ملیر ڈاکٹر عبدالخالق پیرزادہ نے بتایا تھا لاش کا پوسٹ مارٹم مکمل کرلیا ہے، ابتدائی طور پر لاش 10سے12 روز پرانی لگتی ہے۔