کراچی میں پسند کی شادی کرنے والی لڑکی اور لڑکے نے جان کے خطرے کے پیش نظر ویڈیو بیان دیا جو سوشل میڈیا پر وائرل ہوگیا۔
کراچی کے علاقے ڈالمیا شانتی نگر کی رہائشی 22 سالہ لڑکی کومل اور 24 سالہ زبیر نے پسند کی شادی کی، جوڑے نے ویڈیو بیان میں تحفظ کی اپیل کی ہے۔
متاثرہ لڑکی نے کہا کہ ہم نے اپنی مرضی سے پسند کی شادی کی ہے، ہماری مدد کریں۔
متاثر لڑکی کا کہنا ہے کہ میں بہت پریشان ہوگئی ہوں، آئی جی اور ڈی آئی جی سے اپیل ہے کہ ہمیں تحفظ فراہم کیا جائے۔
ویڈیو بیان وائرل ہونے کے بعد عزیز بھٹی پولیس نے کہا کہ ہماری جانب سے کسی جوڑے ہراساں نہیں کیا گیا اگر جوڑا تھانے آکر درخواست جمع کرواتا ہے تو ہراساں کرنے والے پولیس اہلکاروں کے خلاف کارروائی عمل میں لائی جائے گی۔