کراچی : کراچی میں شدید گرمی کے ساتھ ہی بجلی کی طلب 3200میگا واٹ سے تجاوز کرگئی، جس کے باعث شہر میں لوڈ شیڈنگ کا دورانیہ 10 گھنٹے تک پہنچ گیا ہے۔
تٖفصیلات کے مطابق کراچی میں گرمی کی شدت کے ساتھ بجلی کی طلب 3200میگا واٹ سے تجاوزکرگئی ، کے الیکٹرک کا کہنا ہے کہ بڑھتی طلب پورا کرنے کےلیےفرنس آئل اورگیس کی کھپت میں اضافہ ہوا ہے ، فرنس آئل کی سپلائی میں کمی کے باعث مشکلات کا سامنا ہے۔
،ترجمان کے الیکٹرک نے کہا کمی پوری کرنےکےلیےپی ایس او اور ایس ایس جی سی رابطے میں ہیں، کینپ آئی پی پی بند ہونے سے60میگاواٹ کمی کا سامنا ہے اور نیشنل گرڈ کے ونڈ کاریڈور سےکم ہوا کے باعث بجلی کی فراہمی نہ ہونےکے برابر ہے۔
ترجمان کے مطابق 200 میگا واٹ کا شارٹ فال برقرار رہا تولوڈمینجمنٹ کرنی پڑے گی۔
بجلی کی طلب میں اضافے کے ساتھ ہی کے الیکٹرک بجلی فراہم کرنے میں ناکام ہوگئی اور شہر میں لوڈ شیڈنگ کا دورانیہ 10گھنٹےتک پہنچ گیا۔
ہیٹ ویو کے دوران کےالیکٹرک نے فرنس آئل اورگیس کی قلت کابہانہ بنا کر اضافی لوڈ شیڈنگ شروع کردی۔
یاد رہے چند سال قبل بھی ہیٹ ویو میں بجلی بند ہونے سےکئی اموات ہوئی تھیں۔