کراچی میں بدترین لوڈشیڈنگ کیخلاف جماعت اسلامی نے سندھ ہائیکورٹ میں درخواست دائر کر دی۔
پیر کو جماعت اسلامی کے 9 ٹاؤن چیئرمینز کی جانب سے لائن لاسز کی بنیاد پر لوڈشیڈنگ کے خلاف دائر درخواست پر سندھ ہائی کورٹ میں سماعت ہوئی۔
سندھ ہائیکورٹ نے لائن لاسز کی بنیاد پر بجلی کی لوڈشیڈنگ کے خلاف کے الیکٹرک اور دیگر کو نوٹس جاری کردیا۔
جسٹس فیصل کمال نے درخواست پر ریمارکس دیے کہ کراچی میں لوڈشیڈنگ کس طرح ہورہی ہے سب سمجھتے ہیں، ہم اس شہر میں رہتے ہیں، کےالیکٹرک کراچی میں جو کچھ کررہا ہے سب سمجھتے ہیں، شہریوں کی تکلیف کا اندازہ ہے مگر یہ کیس آئینی بینچ میں جانا چاہیے تھا۔
درخواست گزار کے وکیل نے کہا ریگولر بینچ پہلے بھی اس نوعیت کے کیسز سن چکا ہم ڈیکلریشن چاہتے ہیں حکم نہیں۔
سندھ ہائیکورٹ نے کےالیکٹرک اور دیگر کو نوٹس جاری کرتے ہوئے پچیس جولائی کو نیپرا کے ریجنل ہیڈ کو بھی ذاتی حیثیت میں طلب کر لیا۔