کراچی : 16 سالہ گھریلوملازمہ کی پوسٹ مارٹم رپورٹ سامنے آگئی ، جس میں اہم انکشاف کرتے ہوئے موت کی وجہ بتائی گئی ہے۔
تفصیلات کے مطابق کراچی کے علاقے درخشاں میں بنگلے سے 16 سالہ گھریلوملازمہ کی پھندا لگی لاش ملنے کے واقعے میں بڑی پیش رفت سامنے آئی۔
گھریلوملازمہ کی پوسٹ مارٹم رپورٹ سامنے آئی ، جس میں میڈیکولیگل ذرائع نے بتایا ہے کہ پوسٹ مارٹم رپورٹ میں ابتدائی طور پر لڑکی سےزیادتی کے شواہد ملے اور موت گلا گھونٹنے کے باعث ہوئی۔
میڈیکولیگل کہنا تھا کہ پوسٹمارٹم کی حتمی رپورٹ ملےپرہی باضابطہ طورپرتصدیق کی جاسکے گی۔
پولیس حکام نے کہا ہے کہ پوسٹ مارٹم کی حتمی رپورٹ کاانتظارہے، لڑکی کےموبائل فون کا ڈیٹا بھی حاصل کیا جارہا ہے ، واقعےکی نوعیت کےبارے میں فی الحال کچھ نہیں کہا جاسکتا۔
خیال رہے مقتولہ پاریہ کے والد نے درخشاں تھانے میں قتل کا مقدمہ درج کرادیا ہے ، جس میں مقتولہ بچی کے والد نے بنگلے کے مالکان اور ملازمین پر بچی کو قتل کرنے کا شبہ ظاہر کیا ہے۔
مقتولہ پاریہ کے والد کا کہنا تھا کہ بیٹی پاریہ کو 10 ماہ قبل بنگلے میں ملازم رکھوایا تھا جو مستقل طور پر بنگلے میں ہی رہائش پذیر تھی، 12مئی کو بیٹی کو فون کیا تقریباً پونے گھنٹے تفصیلی بات ہوئی تھی۔
12 مئی کو ہی 5 بجے بنگلے کے مالک کے بیٹے شہروز نے فون کرکے بتایا کہ آپ جلدی کراچی پہنچو آپ کی بیٹی نے پنکھے سے لٹک کر خودکشی کرلی ہے۔
یاد رہے کراچی کے علاقے درخشاں میں بنگلےسےنوعمر ملازمہ کی پھندا لگی لاش اتوارکوملی تھی۔