کراچی کے علاقے اورنگی ٹاؤن میں لوٹ مار کرنیوالا ڈاکو عوام کے ہتھے چڑھ گیا جس کے بعد عوام نے ڈاکو کو پولیس کے حوالے کردیا۔
تفصیلات کے مطابق کراچی کے علاقے اورنگی ایم پی آر کالونی میں لوٹ مار کرنیوالا ڈاکو عوام کے ہتھے چڑھ گیا، پکڑے جانے والے ڈاکو کو تشدد کے بعد پولیس کے حوالے کر دیا گیا۔
پولیس کا کہنا ہے کہ موٹر سائیکل سوار 2 ملزمان شہریوں سے لوٹ مار کر رہے تھے، ایک ڈاکو ہدایت اللہ کو عوام نے پکڑ لیا جبکہ دوسرا فرار ہوگیا۔
پولیس کا کہنا ہے کہ ملزم کے قبضے سے پستول اور موٹر سائیکل برآمد ہوئی ہے، زخمی ملزم کو اسپتال منتقل کردیا گیا ہے جبکہ ساتھی کی تلاش جاری ہے۔