کراچی : ابوظہبی پورٹس اور کراچی پورٹ ٹرسٹ میں پی آئی سی ٹی ٹرمینل کو چلانے کے لئے معاہدے پر دستخط کردیئے گئے، ابوظبی پورٹس1.8 بلین ڈالر کی سرمایہ کاری کرے گا۔
تفصیلات کے مطابق کراچی پورٹ ٹرسٹ اورابوظہبی پورٹس کے درمیان پی آئی سی ٹی چلانے کے معاہدے پر دستخط ہوگئے۔
ابوظہبی پورٹس مختلف بندرگاہوں کے بنیادی ڈھانچے بشمول پی آئی سی ٹی اوربلک کارگو ٹرمینل وغیرہ کے آپریشن میں ایک اعشاریہ آٹھ ارب امریکی ڈالر کی سرمایہ کاری کرے گا۔
معاہدے کے تحت ابوظہبی پورٹس پاکستان انٹرنیشنل کنٹینرزٹرمینلز کا انتظامی کنٹرول حاصل کرے گا۔
ابوظبی پورٹس یواےای کا وفد کے پی ٹی میں پی آئی سی ٹی ٹرمینل کو چلانے کے معاہدے پر دستخط کیلئے کراچی پہنچا تھا ، وفد کاوزیر بحری امورفیصل سبزواری نے استقبال کیا۔
وفد میں یواے ای کے وزیرتوانائی اور انفرااسٹکچر سہیل محمد المزروعی، وزیر مملکت برائے غیر ملکی تجارت ڈاکٹر ثانی بن احمد الزیودی اور کراچی میں دبئی کے قونصل جنرل بخیت عتیق الرومیتی شریک ہیں۔
پی آئی سی ٹی ٹرمینل کا نام تبدیل کرکے کراچی گیٹ وے ٹرمینل لمیٹڈ رکھے جانے کی بھی تجویز ہے، سرمایہ کاری برادرانہ تعلقات کو مضبوط کرےگی اور پاکستان میں سرمایہ کاروں کےاعتماد کو بھی فروغ دے گی۔