کراچی میں ایک اور واقعہ ، رہائشی عمارت کی چھت گرگئی ، متعدد افراد زخمی

کراچی: لیاری کھڈا مارکیٹ میں عمارت کی چھت گرگئی، جس کے نتیجے میں 2 خواتین جاں بحق جاں بحق اور 3 افراد زخمی ہوگئے۔

تفصیلات کے مطابق لیاری کھڈا مارکیٹ میں عمارت کی چھت گرگئی، جس میں ،2خواتین کے جاں بحق اور 3 افراد کے زخمی ہونے کی اطلاعات ہیں۔

واقعےکے بعد ریسکیو ادارے جائےحادثہ پہنچ گئے اور ریسکیو آپریشن جاری ہے تاہم زخمی ہونیوالے ایک شخص کی حالت تشویشناک ہیں ، جسے اسپتال منتقل کیا جارہا ہے۔

ایس ایس پی عارف عزیز نے بتایا کہ واقعہ بغدادی تھانے کی حدود میں پیش آیا ہے،اطلاعات ہیں پانچویں یاچھٹی منزل کی چھت گری ہے۔

ڈی سی ساؤتھ جاوید کھوسو کا کہنا تھا کہ لیاری کھڈا مارکیٹ میں عمارت کی پانچویں منزل کی چھت گری، عمارت کی 5 ویں منزل پر مالک چھت کا کام کرا رہا تھا، چھت اور عمارت دونوں خستہ حال تھے۔

جاوید کھوسو نے بتایا کہ عمارت 40 سال پرانی تھی،مالک کیخلاف قانونی کارروائی ہوگی، مخدوش عمارتوں کی فہرست میں عمارت تھی یا نہیں؟ اسےچیک کررہے ہیں، ایس بی سی اے ٹیم موقع پر پہنچ کر عمارت کو چیک کرے گی۔

کراچی، لیاری میں عمارت گرنے کا واقعہ، ریسکیو آپریشن مکمل، 27 لاشیں نکال لی گئیں

واضح رہے کہ کراچی کے علاقے لیاری بغدادی میں 4 جولائی کی صبح 6 منزلہ رہائشی عمارت گرنے سے 27 افراد جاں بحق اور 8 زخمی ہوئے تھے۔

مرنے والوں اور زخمیوں میں خواتین اور بچے بھی شامل تھے۔ عمارت کے ملبے تلے دب کر50 سے زائد رکشوں اور موٹر سائیکلوں کو بھی نقصان پہنچا۔

بعد ازاں لیاری میں عمارت گرنے کے واقعے کی ابتدائی تحقیقاتی رپورٹ ایس بی سی اے کے 6 ڈائریکٹرز سمیت 14 افراد کو قصور وار قرار دیا گیا۔