کراچی میں اسکول بند رکھنے کا اعلان

سندھ حکومت نے کراچی میں بارش کے پیش نظر کل اسکول بند رکھنے کا اعلان کردیا۔

کراچی میں بارش کے باعث اربن فلڈنگ کی صورت حال کے باعث سندھ حکومت کا کہنا ہے کہ کل نجی و سرکاری اسکول بند رہیں گے۔

محکمہ تعلیم نے بارش کے پیش نظر کل شہر کے تمام سرکاری اور نجی کالجز بند رکھنے کا نوٹیفکیشن جاری کر دیا۔

واضح رہے کہ اس سے قبل خیبرپختونخوا حکومت نے منگل کے روز صوبے کے سرد پہاڑی علاقوں میں تمام اسکول ایک ہفتے کیلئے بند کرنے کا اعلان کیا تھا، یہ فیصلہ حالیہ کلاوڈ برسٹ، طوفانی بارشوں اور فلیش فلڈز کے پیش نظر کیا گیا ہے۔

یہ پڑھیں: طوفانی بارشوں کی پیشگوئی، اسکول ایک ہفتے کیلیے بند کردیے گئے

صوبائی وزیر تعلیم فیصل خان تراکئی نے یہ اعلان کرتے ہوئے سماجی رابطے کی ویب سائٹ ایکس پر باضابطہ نوٹیفکیشن بھی جاری کیا۔ ان کا کہنا تھا کہ "سرد پہاڑی علاقوں کے تعلیمی ادارے 19 تا 25 اگست بند رہیں گے تاہم تعلیمی سرگرمیاں گھروں یا آن لائن جاری رہیں گی۔”

حکام نے بتایا تھا کہ ان بلند پہاڑی علاقوں میں موسم گرما کی تعطیلات عموماً ایک ماہ، یعنی یکم جولائی سے 31 جولائی تک ہوتی ہیں، تاہم رواں برس غیر معمولی بارشوں اور سیلابی صورتحال کے باعث مزید تعطیلات دینا ناگزیر ہو گیا۔

ادھر سوات سمیت ملاکنڈ ڈویژن کے تمام اسکول بھی 19 اگست سے 25 اگست تک بند رہیں گے۔