سمندری طوفان سے متعلق دوسرا الرٹ جاری

کراچی: سمندری طوفان سے متعلق محکمہ موسمیات نے دوسرا الرٹ جاری کر دیا۔

الرٹ کے مطابق ڈیپ ڈپریشن کراچی سے تقریباً 250 کلومیٹر جنوب مشرق کے فاصلے پر ہے سمندری طوفان 60 سے 70 کلومیٹر فی گھنٹہ کی رفتار سے آگے بڑھنے کا امکان ہے۔

سمندری طوفان  مزیدجنوب مغرب کی جانب بڑھےگا۔ صبح تک سندھ کے ساحل کے ساتھ شمال مشرقی بحیرہ عرب میں ابھرے گا۔

ڈیپ ڈپریشن سازگار ماحولیاتی حالات کے باعث سمندری طوفان میں تبدیل ہو سکتا ہے۔ سائیکلون کے زیراثر کراچی، تھرپارکر، بدین،ٹھٹھہ، سجاول ،حیدرآباد ہوں گے۔

الرٹ کے مٹیاری، عمرکوٹ، میرپورخاص، اور سانگھڑ میں  گرج چمک کے ساتھ بارش کا امکان ہے جامشورو، دادو اور شہیدبینظیر آباد میں 31 اگست تک موسلادھاربارشیں متوقع ہیں۔

محکمہ موسمیات کا کہنا ہے کہ حب، لسبیلہ، آواران، کیچ ،گوادر میں  یکم ستمبر  کے دوران تیز بارش کا امکان ہے سندھ اوربلوچستان کےماہی گیر31 اگست سےیکم ستمبر تک سمندر میں نہ جائیں۔