کراچی: شہرقائد میں 13 سالہ لڑکی سے مبینہ زیادتی کا واقعہ پیش آیا ہے، متاثرہ لڑکی نے الزام عائد کیا ہے کہ محلے کے نوجوان نے زیادتی کا نشانہ بنایا۔
تفصیلات کے مطابق کراچی کے علاقے پیرآباد میں 13 سالہ مبینہ زیادتی کی شکار لڑکی نے پولیس کو بیان قلمبند کروا دیا ہے، لڑکی کا کہنا ہے کہ محلے کے نوجوان نے زیادتی کی۔
یہ بھی پڑھیں: کراچی میں بچی سے زیادتی کی کوشش
پولیس کا کہنا ہے کہ متاثرہ لڑکی کومیڈیکل کیلئے جناح اسپتال لایا گیا ہے اور میڈیکل رپورٹ کے بعد مزید قانونی کارروائی کی جائےگی جب کہ لڑکی نے جن ملزمان کے نام لئے انہیں گرفتار کریں گے۔
پی ٹی آئی رکن سندھ اسمبلی سعید آفریدی نے واقعے سے متعلق میڈیا سے بات کرتے ہوئے بتایا کہ بچی کو اغوا کے بعد زہریلی دوا پلائی گئی،بچی کا ویڈیو بیان بھی پولیس کو فراہم کر دیا ہے، بچی کومیڈیکل کے لیے پہلے عباسی پھرجناح اسپتال لایاگیا۔