خاندانی رنجش پر بھائی نے فائرنگ کر کے بھائی، بھابھی اور بھتيجی کو قتل کر دیا

کرک کے علاقے سورڈاگ میں خاندانی رنجش پر بھائی کی اندھا دھند فائرنگ کے نتیجے میں ایک ہی خاندان کے چار افراد جاں بحق جبکہ ایک بچہ شدید زخمی ہو گیا۔

تفصیلات کے مطابق کرک کے علاقے سورڈاگ میں آج صبح دل دہلا دینے والا واقعہ پیش آیا، جہاں خاندانی رنجش پر چھوٹے بھائی نے طیش میں آ کر فائرنگ کر دی۔

پولیس کا کہنا ہے کہ فائرنگ کے واقعے میں بڑا بھائی نبیراللہ، اُس کی اہلیہ امبرین بی بی، اور دو کمسن بیٹیاں حلیمہ بی بی اور بی بی آمنہ موقع پر ہی دم توڑ گئیں۔

ایک بچہ شدید زخمی ہو گیا جسے فوری طور پر ریسکیو 1122 کی ٹیم نے ڈی ایچ کیو اسپتال منتقل کر دیا، پولیس حکام کا کہنا ہے کہ ابتدائی تفتیش کے مطابق واقعہ خاندانی جھگڑے کا نتیجہ ہے۔ مزید تحقیقات جاری ہیں۔

https://urdu.arynews.tv/nowshera-husband-opens-fire-on-angry-wifes-family/

اس سے قبل خیبرپختونخوا کے ضلع نوشہرہ کی تحصیل پبی میں ناراض بیوی کو منانے کیلیے آنے والے ملزم کی فائرنگ سے سسر، ساس سالہ اور لڑکی کے ماموں جاں بحق ہوگئے تھے۔

خواتین کے تنازع پر فائرنگ سے چار افراد جاں بحق ہوئے جن میں تین مرد اور ایک خاتون شامل ہیں، پولیس کے مطابق جاں بحق ہونے والوں میں مشتاق خان 70 سال، زوجہ مشتاق عمر 60 سال، حیات عمر 53 سال شامل ہیں۔