بالی ووڈ کی معروف اداکارہ کرشمہ کپور کی ساحل پر سیرو تفریح کی ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر 90 کی دہائی کی مشہور اداکارہ کرشمہ کپور نے ویڈیو شیئر کی جس میں انہیں ساحل پر سیرو تفریح کرتے دیکھا جاسکتا ہے۔
کرشمہ کپور نے ویڈیو شیئر کرتے ہوئے کیپشن میں لکھا کہ ’سورج، مٹی اور سمندر۔‘
اداکارہ کی ویڈیو ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
کرشمہ کپور سوشل میڈیا پر کافی متحرک رہتی ہیں اور گاہے بگاہے اپنی تصاویر، ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی کرشمہ کپور نے تصاویر شیئر کی تھیں جو وائرل ہوگئی تھیں۔
واضح رہے کہ کرشمہ کپور نے فلمی کیریئر کا آغاز سال 1991 میں ریلیز ہونے والی فلم ’پریم قیدی‘ سے کیا تھا، کرشمہ کی قسمت کا ستارہ سال 1996 میں ریلیز فلم ’راجہ ہندوستانی‘ سے چمکا، اس فلم میں عامر خان ہیرو تھے۔ بہترین گانوں، موسیقی اور اداکاری سے مزین اس فلم کی کامیابی نے کرشمہ کپور کو اسٹار بنا دیا۔
راجہ ہندوستانی کے بعد کرشمہ کپور نے متعدد فلموں میں اداکاری کے جوہر دکھائے جن میں ’دل تو پاگل ہے‘ ودیگر شامل ہیں۔
یاد رہے کہ کرشمہ کپور نے 2003 میں کیریئر کے عروج پر شادی صنعت کار سنجے کپور سے کی تھی مگر 2013 میں دونوں کے درمیان علیحدگی ہوگئی تھی۔
علیحدگی کے تین سال بعد 2016 میں دونوں کے درمیان قانونی طور پر طلاق ہوگئی تھی، جس کے بعد دونوں نے ایک دوسرے پر سنگین الزامات لگائے تھے۔
کرشمہ کپور کی 17 سالہ بیٹی سمیرا اور 12 سالہ بیٹا کیان بھی ہیں جن کی انہوں نے ہی پرورش کی۔